كلمات عاشقه

موضوع: كلمات عاشقه الثلاثاء أغسطس 19, 2008 4:30 am

يُمه ... هَيّن ...!!
الهوى بعيون بنتك صار بيّن ...
ما يبي له من يعَلم ...!!
وصاحبي بالعشق أُستاذ ومُعَلِم
كيف اخبي ...؟!إنتي من جِدك يا يُمه ...؟!

وانا بنوته
وقلبي وردي ... وصغَـيّر ... ولَيّن
ايه احبه ...!!
يعني هذا اللي تبينه ...؟!
كيف اخبي وهذا دربي ...؟!والهوى مكتوب من ربك وربي

يوم شفته
متكشخ ... ومتعطر ... ومتزين
طاح كاسي
فدوته راسي ... وناسي
مو بكيفي ...!!
يُمه جنني بـ حنانه
ما يخون
الهوى عنده امانه
وريحة انفاسه دخون

مو طبيعي هالولد من جد يُمه
فيه ذوق ... وفيه شوق ... وفيه للعشاق عوق
يُمه يسلم لك حبيبك
والله نَسَاني حليبك
أي ورب الكون يُمه

يُمه لو تدرين عنه ...
قلتي لي فالك حبيبك
ايه احبه
ايه يمه
ايه اموت برعشة شفاهه واذا يسمح الَّـمّه

سامحيني لو حلفت إني لَـ " لِـمّه "
مو بكيفي
وضحكته خمري ... وكيفي
مو طبيعي
هالولد عمري وربيعي
وفوق هذا صار شاعر ...

كله يتغزل بخصري ... وريحة انفاسي وعطري ...
والعَرق لاسال قطرة فوق قطرة وطاح من جيدي إلى مركوز صدري
قال احبه هذا مِسكك مو عرق يانور عيني
قلت ادري
قال ياحلوه غرورك ...
وشمس وجهك تكسر عيوني بنورك

قلت كافي
قال شورك

والله فعلاً مو طبيعي
إن عشق كله جنون
وإن حكى كله فنون ...
على راسي ما يهون
إيه يُمه
إيه احبه
واعصر ضلوعه واضمه
وانتشي من ريحة انفاسه ... " واذا يسمح اشمه"

خلى لعيوني كثير من البنات ... على شاني
خلى نورة وخلى لمياء وخلى خولة
ايه يُمه
وخلى اسماء بنت خاله ...
وخلى سارة بنت عمه
اللي ابوها اخو ابوه ... ودمها هو نفس دمه
باعهم لعيون بنتك ... واشتراني ...
شفتي يُمه ...؟!وآنا اراه إنه غرامي ... وهو بعد مثلي يراني ...

إلا احبه
إلا احبه
إلا احبه
واللي ما يسمعني يسمع ... إلا احبه
واعشق ترابه اذا داسه برجله

قال لي مَرة اناظر ...
قلت حاضر
يا الله ناظر
يوم ناظرني بكيت
ما تحملت الهوى بعيونه السوداء
وشكيت

قال :ابوسك ...؟!
قلت :تعقل ... وإلا احوسك ...؟!
قال :انا اقصد على السنة
قلت: ليت
قال :والله لآخذك قدام اخوك ...
بعد ما تربط يديني في يدينك بأمر ابوك
قلت : تبطي ...؟!
قال : لا لا
قلت : لو ابطيت جيتك

قال يسلم لي وفاك ...
قلبي قلبك ... وبيتي بيتك ...
لعن ابو من خان عشقك
وما حفظ عهده معاك ... وما رعاك ...
وما تذرى ظلال خصرك وقت صيف
وما دفن نفسه بحضنك وخذ دفاك

وإن خطبني لا تردونه يا يُمه ...
آنا ابيه
قولي ( تم )
لا تخلين العُمر يمشي الم ها يا يُمه ...؟!
قولي ( تم )

منقول

موضوع: راااائع جدا الأربعاء أغسطس 20, 2008 10:14 am

أخي الفاضل د/إيفــــــــــــــــــان

استخدامك للهجة الخليجية راائع جدا
أشكرك على حسن انتقائك لعذب الكلمات
تقبل تحيتي ومروري

موضوع: رد: كلمات عاشقه الأحد أغسطس 24, 2008 1:34 pm

شكرا جدا اخى العزيز على كلماتك الجميلة دى
فعلا بجد والله اتحفتنا
وخصوصا لاستخدامك اللهجة الخليجية التى تضيف رونق خاص للموضوع

اشكرك جدا على اختيارك الجميل
وتقبل مروروى
وليد

مرحبا .....شلون الاعضاء الحلوين......استادنا العزيز ...كلمات في غاية الجمال والروعة ..
نتمنى الله ان يحفظك ويرعاك...والله على اللهجة تخبل ..مشكور اغاتي ..

موضوع: رد: كلمات عاشقه الأحد سبتمبر 21, 2008 3:12 am

اخي الفاضل \ ايفان

احسنت الاختيار والطرح

جميله تلك الكلمات وصادقه الاحساس

ومميزه منك اللكنه الخليجي

دمت بكل خير